مبدع تونسي يروي قصته مع دكتورة نفسانية

 مشيت لpsy . 

خذيت rondez vous و مشيت ... دخلت . ساعة دوبا ما دخلت حتى كلمت تفضل اقعد لا ... مالباب : عسلامة لاباس .. اسمك و لقبك ... 70 دينار ... 

دفعت و قعدت واقف لين دخلت عطات لفيشا متاعي لل psy و قتلي ادخل ... دخلت .

 والله لا نبالغ كان نقلكم الي ال psy تقول بحاث فالمرنقية ... لا تضحك في وجهك لا تعرف تاخذك ... وجها مكشبر جبدت ستيلو و رقة و بدات تسأل ... اسمك . لقبك . عمرك . تتكيف ؟ تشرب ؟ تزطل ؟ .. و انا نجاوب و كابس روحي تقول نبحث و نجاب و مبعد خزرتلي قتلي احكيلي .. 

 بديت نحكيلها في ملخص . على اساس هيا تسمع الحكاية بإختصار و مبعد تتعمق معايا في نقاط معينة بش تفهم الحالة ... 

 والله حيكت ملخص متع دقيقتين مالحكاية . جبدت ورقة و ستيلو و كتبتلي دوايات .. 

 خزرتلها قلتلها منحبش دوايات و حرابش نحب دوا معنوي . بالكلام يعني .. 

 قتلي لا نجمش نعاونك و بدات تنطر و على اساس تفهم فيا شعندي و تحكي ياسر ،mots technique الي انا مفهتش منهم شي و مبعد قتلى عندك مرض كذا و لازمك دوا كذا . كملت طيحتلي لماء في ركايبي و مبعد بدلت الدواء و عاوت بدلت الدواء و هيا تنطر . بfacon متع قوم روح ..

و قتلي حرفيا : تحب تاخو دواء الي عطيتهولك خوذ sinon دليلك ملك . انا نجمش نعاونك ... 

حسيلو دخلت 15:30 .. خرجت من عندها 15:50 ...