إكتئاب فقدان الأب.... هو وجيعة دخلانية وشلل تفكير وفقدان تركيز وتفكير مشوش و تشوش مزاج هو فقدان الرغبة في مواصلة الحياة بدون وجود أبوك، هو إحساس بالضياع و فقدان التوازن، هو احساس بعدم الأمان و غموض المستقبل، هو انك تلقى روحك الهدف الي كنت تحب توصلو في انك تنجح باش توري لبوك مدى قدرتك و تفوقك ان كان ذالك باش تخليه يفخر بيك او تتحداه فقط، ضاع، ضاعت كل أهدافك و تولي تلوج في طريق جديدة و الثنايا الكل ظلامت قدام عنيك..... هو زادة كيف كل ماتحل عينيك مالنوم تقول زعما كابوس واكهو و في كل يوم تجيك لحظة تنسا فيها انو مات و تستنا تاليفونك ينوقز باش يكلمك نومرو مقيدو "baba" و بعد ترجعلك الذاكرة و الوجيعة مبعضهم الإكتئاب هاذا أصعب وقت انت عندك إلتزامات خاصة و مهنية ويجبرك المجتمع انك ترجع تعيش عادي وتتصرف عادي و تاكل عادي وتضحك عادي و تخدم عادي و تتكلم عادي وانت ماكش عادي في الحقيقة.... الأكتئاب هاذا مانتصورش ثما طبيب ينجم يداويه، مانتصورش ثما طبيب ينجم يداوي قلب طفلة مات بوها، طفلة هي كبيرة بوها، هي بنت بوها، طفلة وقت تظلام بيها تكلم بوها، طفلة تتحدا العالم على خاطر عارفة انو بوها مساندها، ليوم كيفاش ينجم حد يداويها.... الله يرحم بابا و كل الأباء الي ماتو، يا ربي تنعمهم و ترحمهم و تكرمهم على خاطرهم كانو ملايكة في حياتنا نحنا أطفالهم.
إكتئاب فقدان الأب....
هو وجيعة دخلانية وشلل تفكير وفقدان تركيز وتفكير مشوش و تشوش مزاج هو فقدان الرغبة في مواصلة الحياة بدون وجود أبوك، هو إحساس بالضياع و فقدان التوازن، هو احساس بعدم الأمان و غموض المستقبل، هو انك تلقى روحك الهدف الي كنت تحب توصلو في انك تنجح باش توري لبوك مدى قدرتك و تفوقك ان كان ذالك باش تخليه يفخر بيك او تتحداه فقط، ضاع، ضاعت كل أهدافك و تولي تلوج في طريق جديدة و الثنايا الكل ظلامت قدام عنيك.....
هو زادة كيف كل ماتحل عينيك مالنوم تقول زعما كابوس واكهو و في كل يوم تجيك لحظة تنسا فيها انو مات و تستنا تاليفونك ينوقز باش يكلمك نومرو مقيدو "baba" و بعد ترجعلك الذاكرة و الوجيعة مبعضهم
الإكتئاب هاذا أصعب وقت انت عندك إلتزامات خاصة و مهنية ويجبرك المجتمع انك ترجع تعيش عادي وتتصرف عادي و تاكل عادي وتضحك عادي و تخدم عادي و تتكلم عادي وانت ماكش عادي في الحقيقة....
الأكتئاب هاذا مانتصورش ثما طبيب ينجم يداويه، مانتصورش ثما طبيب ينجم يداوي قلب طفلة مات بوها، طفلة هي كبيرة بوها، هي بنت بوها، طفلة وقت تظلام بيها تكلم بوها، طفلة تتحدا العالم على خاطر عارفة انو بوها مساندها، ليوم كيفاش ينجم حد يداويها....
الله يرحم بابا و كل الأباء الي ماتو، يا ربي تنعمهم و ترحمهم و تكرمهم على خاطرهم كانو ملايكة في حياتنا نحنا أطفالهم.
تعليقات
إرسال تعليق