بسبب Baguette Farcie كانت تؤدي بحياتها

 #منقول

خارج عن الموضوع اما بالرسمي حاجة grave هذا منقول من عند صحبتي الي تكتبلها عمر جديد و حمد لله على سلامتها 

#الحمدلله على كل حال قدر الله و ما شاء فعل و ان شاءالله كل ما يجينا باللطف🙏

دوبا قمت مالبنج الطبيب قلي : 

" #منعت_من_الموت_و_تكتبلك_عمر_جديد " كلمات عبرت بالضبط على الي حسيت بيه لأني حسيت إني قاعدة نموت من كثر الوجيعة الي تنقب فيا و كان ما لحقوش نحاوها قبل ما تهبط لمصارني راهي عملت فيا كارثة...

 متت و حييت و ريت الموت بعينيا الي حسيتو يعلم بيه كان ربي و الحمدلله على كل حال الحمدلله 🙏

7 د حق baguette farcie تكلفتلي عذااااب و وجيعة و مليون و ميتين و خمسين دينار شريت بيهم عمر جديد و الحمد لله و كيما يقولوا في المال و لا في الابدان الفلوس تتعوض لكن كان متت شكون شيعوض لثلاثة صغار أمهم حتى شي ما يعوضهم و لا فلوس الدنيا تقدر تعوض حياة بشر ...

و الادهى و الأمر و لولى ألطاف الله زميلتي زادا لقات هي زادا حديدة اخرى في الbaguette farcie متاعها و ستر ربي فاقت بيه قبل ما الفاس تجي في الراس ...

ما نقول كان دفع الله ما كان أعظم اللهم لا اعتراض على حكمك و كل شي مقدر و مكتوب على الجبين لكن نقولها و نعاود نقولها #أرواح_الناس_مش_لعبة لا عن قصد لا عن غير قصد ..

الي يعرفني بالحق يعرف انو قلبي ابيض و نسامح حتى الي وجعوني و ضروني لكن يعرفو زادا اني مانسكتش على حقي و خاصة اذا كان سكاتي ممكن يكون سبب انو غيري يصيرلو الي صارلي و تتعرض حياتو للخطر لذلك ارتئيت انو واجب عليا نكتب و نبه غيري ما نكونش تسترت و نكون أخليت مسؤوليتي قدام ربي ..

الحمدلله مرة أخرى إنو هكا و لا أكثر و الحمدلله على لطف ربي بيا 🙏